 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Ты разьлёг перада мною
У васеньнім тумане,
Быццам кветкай маладою
На зялёным дыване
Ды усьмешкай гор, далёкай
Ты чаруеш позірк мой:
Эх, здаецца-б не памінуў
Вечна цешыцца табой!
Плывуць думкі, успаміны;
Прад вачыма устаюць
Слаўнай прошласьці часіны,
Што нам прыклады даюць.
Колькі-ж памяткаў хаваем
Аб мінуўшчыне сваей?!
Кажны зьведае, пазнае
Чым праслынуў ты даўней.
Чую славы тваей рэха,
Бачу велічнасьць тваю,
Дык ня дзіва, што з уцехай
Табе гімн я запяю.
Слава Вільні - прыгажуні,
Слава прошласьці тваей,
Хай гісторыя на струнах
Пяе гімн табе далей!
18.IX.1943.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
